Добры дзень, спадарства.

Скажыце, ці сапраўды ў сучаснай беларускай мове дапушчальна ўжываць «фамілія» ў значэнні ‘прозвішча’?

Добры дзень!

Слова фамілія ў сучаснай беларускай літаратурнай мове са значэннем ‘прозвішча’ не ўжываецца. Ужыванне лексемы фамілія ў такім значэнні не дапускаецца і разглядаецца як парушэнне лексічнай нормы. Значэнні гэтага слова прыведзены ў нарматыўным Тлумачальным слоўніку беларускай літаратурнай мовы (2022 год выдання, том 2, стар. 393, гл. прымацаваны відарыс).